liburuak

hamaika idazki literarioa irakurtzeari buruz

Irakurtzeak, maitemintzeak bezala, jainko sentiarazi ninduen naizen hau izatea jasangaitza zitzaidanean.
_ UXUE APAOLAZA

Irukurtzeak bizitza edertu egiten du, baina bizi ondoren bakarrik ulertzen da irakurritakoa bere sakontasun osoan.
_ PAKO ARISTI

Chichen (h)itza ipuinean zazpi urteko Silvia mayatar neskatxari omenaldi bat eskaintzen diot, irakurtzen ikas dezala otoiztuz, nihaurk irakurriz mundua ezagutu dudalako.
_ ITXARO BORDA

Neskato bat liburuaren bizkarra parez pare ireki eta hura erosoago irakurtzeko magalean zanpatuz: une epifanikoa.
_ HARKAITZ CANO

Poetaren ahots poetikoak Irakurlearen begi are poetikoagoa aurkitu zuenekoaz.
_ ANGEL ERRO

Irakurtzeari buruzkoan beti hor dabilen eztabaida dela-eta Edorta Jimenezek hitz batekin eman digu bere iritziaren gakoa: zurikeria. Zurikeriaren aurkako antidotoa ere proposatu digu: lilura sorrarazteko gaitasuna.
_ EDORTA JIMENEZ

Liburuek mugatzen dute gure bizialdia. Haurtzaroan liburu koloretsuak ditugu maite; gaztaroan irudimenari hegoak emango dizkioten liburu arinak; heldutasunean garena bermatzen dituzten liburu sakonak.
_ FELIPE JUARISTI

Garenaren zentzua narrazio gisa eraikita egonik, ukaezina da eraikitze eta eraldatze prozesuan funtsezkoak direla fikzioa, literatur narratiboa, entzuten eta irakurtzen ditugun istorioak.
_ MARIASUN LANDA

Liburu itxi bat, inauguratu gabeko denbora bat da.
_ ANJEL LERTXUNDI

Liburuak, gazteluak izan daitezke, bilurrak baino sendoagoak. Liburu bakoitza giltzarrapo bat.
_ EIDER RODRIGUEZ

Iban Zalduak idatzitako “Ohean irakurtzea debekatu zidatenean” ipuina, sekula jazo ez diren gertakari zinezkoetan oinarritua, edozein kulebroi bezain errealista da, eta edozein teleberri bezain fantastiko.
_ IBAN ZALDUA